5 августа ст.ст.---18 августа нов.ст
Тропарь предпразднстваХристово преображение

предусрящем,/ светло

торжествующе

предпразднственная,

вернии, и возопиим:/ приспе

день Божественнаго веселия,/

восходит на гору Фаворскую

Владыка,// Божества Своего

облистати красоту.

3 августа ст.ст.---16 августа нов.ст
ПреподобныеТропарь преподобных

Исаакия Далмата и Фавста

глас 4

Боже отец наших,/ творяй

присно с нами по Твоей

кротости,/ не отстави

милость Твою от нас,/ но

молитвами их// в мире

управи живот наш.

2 августа ст.ст.---15 августа нов.ст
Святой  ВасилийТропарь блаженного Василия, Христа ради юродивого

глас 8
Житие твое, Василие, неложное, и чистота нескверна,/ Христа ради тело твое изнурил еси постом и бдением,/ и мразом и теплотою солнечною,/ и слотою и дождевным облаком,/ и просветися лице твое, яко солнце,/ и ныне приходят к тебе Российстии народи и вси людие,/ прославляюще святое твое успение./ Тем Христа Бога моли,/ да избавит ны от варварскаго пленения и междоусобныя брани/ и мир мирови подаст и душам нашим велию милость.

31 июля ст.ст.---13 августа нов.ст
Тропарь Креста ГосподняТропарь Креста Господня

глас 1

Спаси, Господи, люди

Твоя/ и благослови

достояние Твое,/

победы на сопротивныя

даруя// и Твое

сохраняя Крестом

Твоим жительство.

30 июля ст.ст.---12 августа нов.ст
СВЯТЫЕ АПОСТОЛЫТглас 3

Лик пяточисленный апостол

Христовых песньми восхвалим,/

Силу, Силуана, Крискента,

Андроника со Епенетом,/ сии

бо идольскую лесть обличиша/

и, неверныя в веру уловивше,/

молят непрестанно о всех,

память их величающих.

29 июля ст.ст.---11 августа нов.ст
НовомученикиЛюбве ради Христовы отечество свое оставльше, вся мира сего красная, яко скороисчезающая, презревше, горняго Иерусалима взыскующе, на горах Тянь-Шаня в подвизех благочестия Святую Троицу прославили есте. И венцами добропобеднаго мученичества украсившеся, граду Алма-Ате богодарованнии покровителие явилися есте, преподобномученицы Серафиме и Феогносте, Православия мужественнии исповедницы. Темже и мы, духовная чада ваша, любовию вопием:

27 июля ст.ст.---9 августа нов.ст.
Блаженный НиколайТропарь блаженного Николая Кочанова
глас 8

Терпением своим и мужеством/
Христа ради во юродство
претворився, блаженне
Николае,/ худость ризную
имея,/ тягость вара дневнаго
понесл еси/ и мразы зимныя
терпел еси./ И ныне, в Вышних
Троице предстоя,/ нам,
приходящим с верою к ране
мощей твоих,/ исцеление
подаеши, твое успение честно
славящим,/ и молиши Христа
Бога спастися душам нашим.

26 июля ст.ст.---8 августа нов.ст.
Прмц. ПараскеваТропарь преподобномученицы

Параскевы, глас 1

Тщание имущи сообразно

имени твоему, тезоименитая,/

равноимянную тебе веру в

сожительство избрала еси,/

Параскево победоносная,/

темже изливавши исцеления

и молишися о душах наших.

25 июля ст.ст.---7 августа нов.ст.
Прп. МакарийТропарь преподобного Макария Желтоводского, Унженского

глас 4
Богомудрый Желтоводския
обители первоздателю,/ Богом
поставленный монашескаго
жития столпе,/ благописанный
досточуднаго постничества
образе,/ Богозданный Духа
Святаго сосуде,/ златозарное
Русския земли светило
сесветлое,/ молим тя, отче
Макарие,/ светозарною молитв
твоих лучею разрешай мрачных
страстей наших облак.

24 июля ст.ст.---6 августа нов.ст.
Прп. ПоликарпТропарь преподобного Поликарпа, архимандрита Печерского
глас 4

Тезоименит званию твоему,/
яко многоплодное древо,/

насажден сый во обители
Божия Матере,/ многая и

чудная тщанием твоим
исправления показавый,/

мудре Поликарпе,/ моли
Христа Бога о нас,/ яко да

и мы, многия плоды
добродетелей Ему принесше,
спасемся.