28 сентября ст.ст.---11 октября нов.ст.
ТропарьТропарь преподобных Кирилла и Марии
глас 3

Блаженств Христовых причастницы,/
честнаго супружества и попечения
о чадех добрый образе,/
праведнии Кирилле и Марие,/
плод благочестия, Сергия
преподобнаго, нам явившии,/ с
нимже усердно молите Господа/
низпослати нам дух любве и
смиренномудрия,/ да в мире и
единомыслии// прославим Троицу Единосущную.

27 сентября ст.ст.---10 октября нов.ст.
Сщмч. ПетрТропарь Сщмч. Петра
Божиим смотрением к святительскому служению/ святым патриархом Тихоном призванный,/ стаду Христову явился еси страж неусыпный/ и защитник небоязненный,/ священномучениче Петре,/ жестокая заточения и дальная изгнания,/ страдание и смерть от богоборцев претерпел еси,/ венец мученический прияв,/ на Небеси ныне радуешися./ Моли милостиваго Бога,/ да сохранит Церковь нашу от нестроений,/ единомыслие...

26 сентября ст.ст.---9 октября нов.ст.
Прп. ЕфремТропарь преподобного Ефрема Перекомского
глас 4

От юности твоей весь
Богови поработился
еси, блаженне,/ и Того
ради любве отечество
и род оставил еси,/ в
пустыню вселився,/ в
нейже жестокое житие
показав,/ и чудес
дарования от Бога
приял еси,/ Ефреме
преподобне./ Моли
Христа Бога, да спасет
души наша.

25 сентября ст.ст.---8 октября нов.ст
Святителя ГерманТропарь святителя Германа, архиепископа Казанского
глас 4
Яко великим пастырем единонравна и учителем вселенныя единомысленна,/ Церкве Божия служителя усердна, и строителя тайн Христовых благоговейна,/ стекшеся благовернни людие Свияжския обители Богомудраго основателя/ и Казанский новопросвещенныя паствы святителя Германа/ песньми и пении восхвалим, глаголюще:/ не престаи присещати молитвами твоими на всю паству твою, в вере и благочестии блюди невредимо.

24 сентября ст.ст.---7 октября нов.ст
Прп. НикандрТропарь преподобного Никандра пустынножителя, Псковского чудотворца
глас 4
Глас Божественный,/ иже во Евангелии, услышав, преподобне отче Никандре:/ приидите ко Мне вси труждающиеся и обремененнии, и Аз упокою вы,/ и прием крест, последовал еси Христу,/ мир оставль, в пустыню вселился еси,/ пощением же и бдением Небесный дар восприим,/ и души недужных приходящих к тебе с верою исцелявши:/ темже и со ангелы срадуется, преподобне, дух твой.

23 сентября ст.ст.---6 октября нов.ст
ТропарьТропарь святителя Иннокентия, митрополита Московского

глас 1
Во вся страны полунощныя
изыде вещание твое,/ яко
приемшия слово твое,/
ихже боголепно научил
еси,/ неведущия Христа
светом Евангелия
просветил еси,/
человеческия обычаи
украсил еси,/ Российская
похвало, святителю отче
наш Иннокентие,/ моли
Христа Бога/ спастися душам нашим.

22 сентября ст.ст.---5 октября нов.ст
Прп. МакарийТропарь преподобного Макария Жабынского, Белевского чудотворца

глас 4
От мирскаго жития изшед / в тихое пристанище жизни иноческия, преподобне Макарие, вшел еси, / в нейже добре подвизався, душу твою добродетельми превысокими обогатил еси, / и явился еси добр пастырь и учитель иноческому собору, / емуже и обитель возградил еси, / таже в безмолвие вшед и Боговидения сподобився, ко Господу преставился еси, / Иже даром чудес тя обогати. / Егоже ныне моли, / да спасет верою и любовию почитающих святую память твою.

21 сентября ст.ст.---4 октября нов.ст
Св. ДимитрийСвятителие премудрии,/ паствы вашея учителие богопросвещеннии,/ веру евангельскую в людех преумножившия,/ любве Небесныя на земли достоподражательнии образи,/ люди страны Ростовския и Ярославския приобщавшии спасению,/ служителие воистинну Божий/ и сопричастницы апостолов достойнии явилися есте,/ Леонтие священномучениче, Исаие, Игнатие, Иакове, Феодоре/ и златословесниче Российский Димитрие,/ Христа Бога молите/ о архиереех, на престоле вашем преемницех,/ о людех, благочестно вас почитающих,/ о стране...

20 сентября ст.ст.---3 октября нов.ст
Прп. и блгв. кн. Олегглас 8
От юности возлюбив Христа
всем сердцем, преподобне /

славу земную, яко преходящу,
оставил еси / и царство земное

в ничтоже вменивше, / лику
инок радостно причелся еси /

и труды многими град Брянск,
аки солнце пресветло, озарил

еси: / тем, быв Троицы
украшение, моли, княже

Олеже, Христа Бога, спастися
душам нашим.

19 сентября ст.ст.---2 октября нов.ст
Князь ИгорьТропарь блаженного Игоря, великого князя Черниговского

глас 4

Наста днесь всечестная память страстотерпца благовернаго князя Игоря,/ созывающая люди в пречестный храм Спасов,/ идеже радостно сошедшеся благочестивых множество/ молитвенно празднуют святую память твою,/ и с верою взывают ти:/ молися, святе, стране Российстей, граду Чернигову и всем православным христианом/ в мире и благоденствии спастися.