11 октября ст.ст - 24 октября нов.ст.
Собор преподобных старцевТропарь апостола Филиппа
глас 3
Апостоле святый Филиппе,/ моли Милостиваго Бога,/ да прегрешений оставление// подаст душам нашим.

Кондак апостола Филиппа
глас 4
Языков ловец пречудный/ и учеников Христовых собеседник,/ апостолов предызбранный,/ Филипп днесь миру исцелений подает богатство,/ покрывает от обстояний того хвалящия./ Тем согласно зовем ему:// спасай вся молитвами твоими, апостоле.

10 октября ст.ст - 23 октября нов.ст.
Блж. АндрейТропарь блаженного Андрея, Христа ради юродивого, Тотемского

глас 4
Терпением и мужеством
Христа ради юродство
восприял еси, блаженне
Андрее,/ в посте и
бдении пребывая,/ тягость
зноя летняго понесл еси,/
и мразы зимния терпя,/
темнее и ныне приходящим
с верою к тебе,/ исцеление
неоскудно подавши,/ моли
Христа Бога спастися душам
нашим.

9 октября ст.ст - 22 октября нов.ст.
Прп. АндроникТропарь преподобного Андроника

глас 1

Пустынный житель и в телеси
Ангел и чудотворец показался
еси,/ Богоносне отче наш

Андрониче,/ постом, бдением,
молитвою Небесная дарования
приим,/ исцеляеши недужныя

и души верою притекающих к
тебе./ Слава Давшему тебе
крепость,/ слава Венчавшему

тя,/ слава Действующему
тобою всем исцеления.

8 октября ст.ст - 21 октября нов.ст.
Прп. ДосифейТропарь преподобного Досифея Верхнеостровского, Псковского

глас 4

Яко светильник всесветел явился еси во острове Псковскаго езера, / преподобне отче наш Досифее. /

Ты бо крест Христов от юности своея на рамо взем, / усердно Тому последовал еси, / чистотою Богови приближився, / отонудуже и чудес дарованием обогатился еси. /

Темже и мы, притекающе ко святей иконе твоей, умильно глаголем: / отче преподобне, моли Христа Бога / спастися душам нашим.

7 октября ст.ст - 20 октября нов.ст.
Прп. МартинианБогу от юности, отче, избравшу и возлюбившу тя/ и провидящу твое доброе произволение,/ наставляет тя приити к преподобному Своему угоднику -/ Кириллу всеблаженному,/ от негоже наставлен бысть на путь спасения,/ страхом Божиим, и чистотою душевною, и благоговением,/ и непрестанными к Богу молитвами/ во мнозе подвизе жизнь свою препроводил еси/ и заповеди Божия непорочно соблюл еси,/ пастырь и наставник иноком предивен был еси,/ и ныне Престолу Христову со дерзновением предстоиши на Небесех,/ со Ангелы светлоликовствуя,/ отче преподобне, Мартиниане всеблаженне,/ не престай молися Христу Богу/ спасти и помиловати души наша.

5 октября ст.ст - 18 октября нов.ст.
СвятителиТропарь святителей Московских

глас 4
Первопрестольницы Российстии,/

истиннии хранителие апостольских

преданий,/ столпи непоколебимии,

православия наставницы,/ Петре,

Алексие, Ионо, Филиппе и Ермогене,/

Владыку всех молите/ мир

вселенней даровати// и душам

нашим велию милость.

4 октября ст.ст.---17 октября нов.ст
Св. благ. ВладимирТропарь благоверного князя Владимира Ярославича

глас 4
Измлада явился еси, Богомудре
княже Владимире,/ Божественный
сосуд избран Богови,/
благочестием воспитан, веру
непорочну соблюл/ и, храм
пречуден Премудрости Божия/
в Великом Новеграде сем
устроив,/ тело Твое в Нем
предложил еси,/ и ныне, на
Небесех предстоя Престолу
Святыя Троицы,/ молися
низпослати и нам велию и
богатую милость.

3 октября ст.ст.---16 октября нов.ст.
Прп. ДионисийТропарь преподобного Дионисия, затворника Печерского, в Дальних пещерах

глас 4
Жертву Безкровную приносивый Господеви непорочне / и служивый Ему по званию своему многое время неленостне, / священне Дионисие, / молися о нас, / любовию чтущих тя.

глас 2

Священнодействовавшаго на земли священнолепно/ и потрудившагося в чину своем добре,/ ныне же на Небесех ликуеши светло,/ священными похваляем тя песньми, Дионисие, и молим:/ моли Христа Бога непрестанно о всех нас.

2 октября ст.ст.---15 октября нов.ст.
Прп. КассианВетхаго Рима имея воспитание,/ державу отечества своего, град Мангупский, оставль,/ и нивочтоже вменил еси княжение/ и славу маловременную суетнаго века Христа ради,/ и паче земнаго богатства избра богатство себе Небесное и славу вечную/ возвысив ум свой к Богу,/ и житие свое со Ангелы вожделел еси восприяти,/ промышлением Божественнаго разума направляемь...

30 сентября ст.ст.---13 октября нов.ст.
Преподобный ГригорийТропарь преподобного Григория Пельшемского, Вологодского чудотворца
глас 8
Любовию Христовою, богомудре,
просветився, / добродетельми
облистал еси: / и всякое
наслаждение плотское
возненавидев, / и в пустыню
вселився, в нейже вельми
подвизался еси в жизни сей
временней / в пениих и во
бдениих, и в пощениих. / Сего
ради и Христос даром чудес
обогати тя: / но поминай нас
чтущих пресветлую память
твою, преподобне отче Григорие, /
и моли Христа Бога, спастися
душам нашим.