22 июля ст.ст.---4 августа нов.ст
ФОКА СИНОПСКИЙТропарь

священномученика Фоки


глас 4

И нравом причастник,/ и престолом
наместник апостолом быв,/ деяние обрел

еси, богодохновенне,/ в видения восход,/
сего ради, слово истины исправляя,/

и веры ради пострадал еси даже до
крове,/ священномучениче Фоко,/

моли Христа Бога// спастися душам нашим.

21 июля ст.ст.---3 августа нов.ст
Прпп. Симеон и ИоаннТропарь преподобных

Симеона и Иоанна

глас 4

Боже отец наших,/
творяй присно с нами

по Твоей кротости,/
не отстави милость

Твою от нас,/ но
молитвами их// в мире

управи живот наш.

20 июля ст.ст.---2 августа нов.ст.
Прп. АфанасийТропарь преподобномученика Афанасия Брестского
глас 2

Блажен еси, отче наш Афанасие,/ яко верно пожил еси, стоя бодренно за святую Православную веру,/ со умилением присно поя неседальное Пречистей,/ заповедуя никомуже нарушати Православныя веры святыя,/ пострадав за свидетельство истины даже до смерти./ Мы же, чтуще святыню твою,/ со дерзновением взываем ти:/ отче наш, преподобномучениче Афанасие,/ похвало и украшение наше.

19 июля ст.ст.---1 августа нов.ст.
Святитель МитрофанТропарь святителя Митрофана, епископа Воронежского.
глас 4

Правило веры и образ
кротости / словом и
житием пастве твоей,
отче смиренномудре
Митрофане, был еси. /
Темже и во светлостех
святых / солнца
светлейше возсиял еси, /
венцем нетления и
славы украшаемь, /
моли Христа Бога /
стране нашей и граду
твоему в мире спастися.

18 июля ст.ст.---31 июля нов.ст.
Прп. ПамваВ пустыни живый в
толстинных и
многошвенных твоих
ризах,/ и без

тщеславия и мятежа
внутрь поя Богови,/
и человеча деяния
собою прообразовав

в наказание, отче
Памво,/ моли Христа
Бога,/ да спасет
души наша.

17 июля ст.ст.---30 июля нов.ст.
Тропарь великомученицыТропарь великомученицы Марины
глас 4
Агница Твоя, Иисусе,
Марина/ зовет велиим
гласом:/ Тебе, Жените
мой, люблю,/ и, Тебе
ищущи, страдальчествую,/
и сраспинаюся, и
спогребаюся крещению
Твоему,/ и стражду Тебе
ради,/ яко да царствую
в Тебе,/ и умираю за Тя,
да и живу с Тобою,/ но
яко жертву непорочную
приими мя, с любовию
пожершуюся Тебе./ Той
молитвами,/ яко Милостив,
спаси души наша.

16 июля ст.ст.---29 июля нов.ст.
Блж. МатронаТропарь блаженной Матроны Анемнясевской, Касимовской
глас 8

Яко зарница небеснаго
огня возсия в рязанстей
стране блаженная
старица святая Матрона,
еяже память днесь
творяще, воспоим Христа

Бога, моляще Его
даровати нам тоя
предстательством в
болезнех, бедах и скорбех
терпение, и душам нашим
велию милость.

15 июля ст.ст.---28 июля нов.ст.
Тропарь мучениковТропарь мучеников Кирика и Иулитты глас 8
Яко лоза благоплодная,
Иулитто честная,/ грозд
зрел принесла еси
Цареви, всех Богу,/
сына твоего Кирика
славнаго,/ мучением
того богатно украсивши/
и твоею кровию
навершивши,/ тем и
дарова тебе Вышний
возмездие в Вышних,/
идеже ликующе,
помяните нас, мученицы
терпеливодушнии.

14 июля ст.ст.---27 июля нов.ст.
Преподобный СтефанПравославия ревнителю,/
благочестия наставниче и
чистоты,/ ищущим спасения
путеводительный светильниче,/
монашествующих
Богодухновенное удобрение,/
преподобнаго Сергия духовный
собеседниче,/ Стефане премудре,/
ученьми и добродеяньми
твоими души просветил еси/
и пустыни населил еси,/
моли Христа Бога спастися
душам нашим.

12 июля ст.ст.---25 июля нов.ст.
Св. Прокл и ИларийКондак мучеников Прокла и Илария
глас 4
Яко денница звезда,
возсия/ мучеников
Прокла и Илария/
честное страдание,/
предозаряющи нас
чудес светлостьми./
Темже празднуем
память вашу:/
Христа Бога молите,//
да спасет души наша.