Мученицы Твои...

Категория: Молитва

Тропарь святителя Ионы
глас 4
Исправление веры, и образ кротости,/ и якоже сад посреде рая,/ преподобными делы твоими мир просвещаеши,/ и сего ради к мощем твоим любовию прикасаемся и верно вопием:/ предстани в помощь воспевающим/ память твою светоносную, отче Ионо,// и моли спастися душам нашим.

Кондак святителя Ионы
глас 4
Свыше приял еси Божественную благодать/ ходатайствовати Богу и человеком,/ яко архиерей возношение вознося,/ и мир людем твоим снося,/ и обилие плодов, Ионо блаженне,/ ты бо еси Великаго Новаграда похвала// и сущих о нем радость.

Тропарь мучеников
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.

Кондак мучеников
глас 2
Мученик Христовых полком причтостеся,/ добре храбрствовавшим,/ светло подвизавшеся, Галактионе славне,/ с честною сопружницею и сострадавшею тебе Епистимиею,// Единому Богу непрестанно молитеся о всех нас.