12 июля ст.ст.---25 июля нов.ст.
Акафист «Троеручица»Кондак 1 Взбранной Воеводе,
Богообрадованной
Приснодеве Богородице,
посетившей Гору Афонскую
явлением чудотворным
иконы Своея и многия
милости Ею дарующей роду
христианскому, похвальное
возглашаем ныне пение: Ты
же, о Богомати, яко имущая
державу непобедимую и
Матернее о нас попечение,
предвари на помощь к нам и
от всяких бед избави
зовущих Ти: Радуйся,
Помощнице наша, Троеручною
иконою Твоею нам помогающая.

11 июля ст.ст.---24 июля нов.ст.
Акафист св. ОльгеКондак 1

Первоизбранней от всего
русскаго рода, славней и
равноапостольней угоднице
Божией Ольге составим
похвалу, яко заре во тьме
идолопоклонения светом
веры возсиявшей и путь ко
Христу всем людем русским
показавшей. Ты же, яко
имущая дерзновение к
прославльшему тя Господу,
ограждай нас от всяких бед
молитвами твоими, да зовем
ти: Радуйся, святая
равноапостольная княгине
Ольго богомудрая.

10 июля ст.ст.---23 июля нов.ст.
Акафист прп.Антонию Кондак 1
Избранный угодниче Христов,
иноков русских
первоначальниче и великий
чудотворче, преподобне отче
наш Антоние, с любовию
приносим ти сия хвалебныя
песни, небесному предстателю
нашему: ты же яко имеяй
дерзновение ко Господу,
молися о спасении нас
грешных, да зовем ти
благодарно:
Радуйся, Антоние,
монашескаго в Руси жития
первоначальниче.

7 июля ст.ст.---20 июля нов.ст.
Акафист прп. ЕвфросинииКондак 1

Избранной от рода
державнаго, угоднице
Христовой Евфросинии,
крепкой заступнице и
молитвеннице нашей,
похвальная восписуем
ти, чтущии тя: ты же,
яко имущая дерзновение
ко Господу, того умоли
избавитися нам бед и
скорбей, и в будущем
веце Небесное улучити
Царствие, да зовем ти:
Радуйся, преподобная
княгине Евфросиние.

5 июля ст.ст.---18 июля нов.ст.
АкафистыИзбранной от сложения мира Пресвятей Деве Марии Богородице, воистину плотию рождшей Иисуса Христа Спаса и Бога нашего, яко Владычице вселенныя, зело возлюбившей Христа и взявшей под Свой державный покров их святыя обители, похвальное приносим пение. Ты же, Всечестная наша Мати Игумения, храни и спасай нас от всех врагов видимых и невидимых, да зовем Ти: Радуйся, Пресвятая Богородице Дево, святой горы Афона и всея вселенныя православных обителей Всечестная Игумения!

АкафистыКондак 1

Избранная от рода державнаго дщерь Российская, любовию изобильною и милосердием Богу и ближним добре послужившая, за веру во Христа Господа нашего душу свою положившая и венцем славы Христовы украшенная, восхваляем подвиги и страдания твоя, с любовию воспевающе ти сице:

Радуйся, святая преподобномученице Елисавето, красото Церкве Российския, невестою Христовою быти удостоенная!

4 июля ст.ст.---17 июля нов.ст.
Акафист царю НиколаюКондак 1

Избранный от рождения
страстотерпче и
Христовой любви
воплощение, воспеваем
ти похвальная, яко паче
всего Отечество свое
возлюбившему, ты же,
яко имеяй дерзновение
ко Господу, просвети
омраченныя умы и сердца
наша, да зовем ти:

Радуйся, Николае,
боговенчанный царю и
великий страстотерпче!

3 июля ст.ст.---16 июля нов.ст.
Акафист св. ФилиппуИзбранный от Господа Российских первопрестольников преемниче, подвигом славным исповедничества твоего озаривый православную Церковь Христову, темже и от Бога нетлением мощей твоих прославленный, отче наш святителю Филиппе! Похваляем дивнаго во святых своих Господа, и тя величаем, яко усердного пред Христом Богом молитвенника, великого пастыря и чуднаго мученика, и от всего сердца вопием ти: радуйся, святителю Христов Филиппе, исповедниче преславный.

2 июля ст.ст.---15 июля нов.ст.
Акафист «Ахтырская»Избранней от всех родов
Божией Матери и Царице,
предивно цельбоносную
икону Свою явившей, на
нейже у Креста Христова
стоящую Заступницу нашу
видяще, похвальное Той
возглашаем пение: Ты же,
Госпоже Всемилостивая,
яко имущая милосердие
неизреченное, теплым
Твоим предстательством и
заступлением от всяких
нас бед и недугов
свобождай, во умилении
Тебе зовущих: Радуйся,
Благодатная, непрестанно
за нас Христу молящаяся.

1 июля ст.ст.---14 июля нов.ст.
Акафист  Косме и Дамиану Избраннии чудотворцы,
страстотерпцы Христовы и
врачеве премудрии, туне
подающии здравие в
болезнех сущим, похвальная
восписуем вам, заступником
нашим и в скорбех
помощником: вы бо сосуди
благодати суще, исцеляете
душевныя и телесныя наша
язвы. Темже, славяще Бога,
дивнаго во святых Своих,
вас усердно ублажаем:
Радуйтеся, Космо и Дамиане,
святии бессребреницы и
преславнии чудотворцы.

29 июня ст.ст.---12 июля нов.ст.
АкафистыКондак 1 Избранной от всех родов и дивной Заступнице всего рода христианскаго Пресвятой Богородице Деве Марии, похвалы приносим мы недостойнии, чудному и святому Ея образу Касперовскому, принесенному в землю нашу из Сербии православной на укрепление веры Христовой и нашего спасения с любовию прибегающих к Ней и поющих:
Радуйся, Богомати Пречистая, града Одессы и всея земли Черноморския покрове и заступление.

АкафистыКондак 1
Избраннии проповедницы Агнца Непорочнаго, за ны закланнаго, Христа Бога, преславнии апостоли Петре и Павле! Яко Боговедением концы мира озарившии и обильно струями благодати напоившии, и ныне с любовию призрите на чтущия усердно память вашу. Исполните нас духа премудрости, сердца наша верою утвердите, да непрестанно благодарственная вам поем, со умилением зовуще: Радуйтеся, святии первоверховнии апостоли Петре и Павле.