13 ноября ст.ст - 26 ноября нов.ст
Акафист св. ИоаннуКондак 1
Возбранный вождю Церкве
Христовы, златословесный
учителю Иоанне! От юности
добродетельми украсився,
добре потрудился еси, и за
Имя Христово гонение
претерпев, во изгнании житие
скончал еси: сего ради на
небесех сугубо прославлен еси,
мудрый чина Церковнаго
устроителю. Темже и мы
умиленне чтим тя зовуще:
Радуйся, святителю великий
Иоанне Златоусте.


11 ноября ст.ст - 24 ноября нов.ст
Акафист  "Иверской"Кондак 1

Избранной от всех родов Заступнице рода христианскаго, даровавшей нам чудное знамение от иконы Своея честныя и миро благовонное от нея источившей, благохвальное пение приносим во умилении сердечнем. Ты же, яко имущая владычество над тварию всякою, обновление сердца и жития подаждь нам, зовущим: Радуйся, благая Вратарнице, двери райския верным отверзающая.

9 ноября ст.ст - 22 ноября нов.ст
Акафист "Скоропослушница"Кондак 1

Избранней от всех родов Божией Матери и Царице, скоро-послушливо внемлющей молитвам смиренным, и токи целебныя изливающей верным от иконы Своея святыя, благодарственное приносим пение: Ты же, всемилостивая Заступнице, преклонися благоутробно к гласом нашим хвалебным, и от всяких бед свободи ны, зовущия Ти:

Радуйся, всеблагая Скоропослушнице, прошения наша во благо исполняющая.


6 ноября ст.ст - 19 ноября нов.ст
Акафист прп. ВарлаамуКондак 1

Избранный Чудотворче, и изрядный
Угодниче Христов, многим
воздержанием на земли житие Твое
украсивый; сего ради и венцем от
Христа на Небеси венчанный, и с
верою приходящим источаяй
многоцелебныя дары.
Восхваляем Тя, Заступника нашего,
преподобне Отче Варлааме:
Ты же, яко имеяй дерзновение ко
Господу от всяких нас бед свободи,
да зовем Ти:

Радуйся, Варлааме, великий и
преславный чудотворче!


5 ноября ст.ст - 18 ноября нов.ст
Акафист св. ТихонуКондак 1
Избранный архиерею, предивный угодниче и исповедниче Христов, Русский Церкве крепкое ограждение, отечеству нашему ходатаю и заступниче, прославляюще прославльшаго тя Господа, даровавшаго нам в тебе новаго и великаго предстателя, похвальное пение восписуем ти; ты же имеяй велие дерзновение ко Владыце Небесе и земли, от всяких нас бед свободи зовущих: Радуйся, святителю Тихоне, Церкве Православныя похвало и утверждение.

28 октября ст.ст - 10 ноября нов.ст
АкафистыИзбранный от Господа, благий рабе и верный угодниче Христов, преподобне отче наш Иове твоим заступлением и предстательством ограждаеми, похвальная восписуем ти, поведающе благия подвиги и чудеса твоя, и благодарственная возсылаем моления прославлъшему тя Господу и Царю славы. Ты же, яко имеяй дерзновение ко Господу и Пречистей Его Матери, Приснодеве Богородице, от всяких нас бед свободи, зовущих ти: Радуйся, Иове, преславный угодниче Божий обители Почаевския украшение.
АкафистыКондак 1

Избранной Богом от рода благороднаго, иконийсыкаго града, пре-мудрый и всехвальной невесте Христове, яко избавляемии тобою от искушений и бед, благодарственная пения и хвалебния восписуем ти молитвенницы твои, святая и многострадальная мученице Параскево.
Ты же, имея дерзновение ко Господу, от всяких нас бед свободи, да со умилением и радостию зовем ти: Радуйся, Параскево, невесто Христова всехвальная.
АкафистыКондак 1
Возбранный чудотворче и
изрядный угодниче Христов,
многоцелебный чудес

источниче, неисчерпаемыя
благодати ходатаю, теплый
молитвенниче, великий

святителю Христов Димитрие,
яко имеяй дерзновение ко
Христу Богу нашему, от всяких

нас бед свободи зовущих:
Радуйся, Димитрие, новый и великий чудотворче.


27 октября ст.ст - 9 ноября нов.ст
Акафист Нестору летописцуКондак 1

Избранников Божиих
сожителю, иноче честный
и летописче преславный,
отче преподобне Несторе,
приими приносимыя с
любовию смиренныя
похваления наша. Ты же,
яко имея велие
дерзновение на небеси,
молися тепле о стране
нашей и людех ея, во
еже избавитися нам от
всякаго зла, да зовем ти:
Радуйся, Несторе, земли
Русския первый летописателю.


26 октября ст.ст - 8 ноября нов.ст
Акафист вмч. ДимитриюКондак 1

Дивный воеводо града Солуня,
великий угодниче Христов и
славный страстотерпче, святый
Димитрие, источаяй мирови
милости миро, похвальная
восписуем ти, чтущии святую
память твою.

Ты же имеяй дерзновение
ко Господу, от всяких
бед избавляй нас,
верно зовущих ти:

Радуйся, святый Димитрие,
славный великомучениче и чудотворче.


24 октября ст.ст - 6 ноября нов.ст
АкафистКондак 1

Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим матерним пред Ним ходатайством, благодарственная восписуем Ти, раби Твои:
яко имущая державу непобедимую, от всяких нас бед и скорбных обстояний свободи, зовущих:
радуйся, Благодатная Богородице Дево, всех скорбящих Радосте.

23 октября ст.ст - 5 ноября нов.ст
Акафист Ап. ИаковуКондак 1
Избранному Апостолу Христову, иерарху преславному и мученику предивному, Иакову премудрому, брату Божию блаженному похвальная восписуем, яко ходатаю и скорому помощнику нашему. Ты же, предстояй Престолу Пресвятыя Троицы, не престай молитися за ны, сохраняющи от всяких бед и зол верою празднующих память твою и зовущих: Радуйся, Апостоле Иакове, Церкви Иерусалимския первый иерарше.